ပရီးမီးယားလိဂ် ဖတ်စာ

ပရီးမီးယားလိဂ် ဖတ်စာ

ပရီးမီးယားလိဂ်ပွဲစဉ် ၅ ပြီးဆုံးချိန်မှာ International Break ဝင်ရောက်လာတယ်။ ဇာတ်လမ်းကောင်းတုန်း ကြော်ငြာဝင်လာသလိုမျိုး

ပရိသတ်တွေခံစားနေရမယ် ထင်ပါတယ်။ ပွဲစဉ် ၅ အပြီးပရီးမီးယားလိဂ်ရဲ့မှတ်မှတ်ရရဖြစ်ရပ်တချို့ကို

ပရီးမီးယားလိဂ်ဖတ်စာအဖြစ်ပြောပြချင်ပါတယ်။

1. အာဆင်နယ်က ရွှေဖလားကြီး ထပ်မရတော့ဘူး

လက်ရှိရာသီအစမှာ အာဆင်နယ်ကို ကြည့်ရတာ ဘယ်တော့မှမရှုံးတော့မယ့်အသင်းလိုပါပဲ။

ဒါပေမဲ့ ပွဲစဉ် ၅ မှာအာဆင်နယ်ရဲ့ထည်ဝါမှု ရပ်တန့်သွားတယ်။ ဘရိုက်တန်က အာဆင်နယ်အသည်းကို ရက်ရက်စက်စက်ခွဲသွားတယ်။

ချန်ပီယံကာကွယ်ပွဲက ထင်သလောက် မလွယ်ဘူး ဆိုတာ သတိပေးခဲ့တယ်။

အာဆင်နယ်နည်းပြ အာတီတာနဲ့အာဆင်နယ်ကစားသမားတွေအတွက် အရှိုက်ကိုထိုးခံလိုက်ရသလိုပါပဲ။

ဖလားအစုံသိမ်းမယ်ဆိုပြီး တိတ်တခိုးမျှော်လင့်နေတဲ့ အာဆင်နယ်ပရိသတ်တွေ အရှက်ကွဲခဲ့ရတယ်။

၂၀၂၄ ခုနှစ်၊ အောက်တိုဘာလနောက်ပိုင်း ပထမဆုံးအကြိမ်အဖြစ် သုံးဂိုးအထိ ပေးရပြီးရှုံးနိမ့်ခဲ့တယ်။

၂၀၂၃ ခုနှစ်၊ မေလအတွင်းမှာ ဘရိုက်တန်ကို သုံးဂိုးဂိုးမရှိနဲ့ ရှုံးပြီးနောက် အခုတစ်ခါဘရိုက်တန်ကို ရလဒ်တူညီစွာထပ်ရှုံးခဲ့တာပါ။

အာဆင်နယ်နည်းပြ အာတီတာက  အခုရှုံးပွဲဟာ သင်ခန်းစာတစ်ခုဆိုပြီးဝန်ခံခဲ့တယ်။

သေချာတာကအာဆင်နယ်အသင်းက ဒီရာသီမှာလည်း ရွှေဖလားကြီး မရနိုင်တော့ပါဘူး။

2. ဂွာဒီယိုလာ မရှိလည်းဖြစ်တယ်

ဂွာဒီီယိုလာမရှိရင် မန်စီးတီး ဘာဖြစ်သွားမလဲ၊ လူတွေမေးခွန်းထုတ်ကြတယ်။ ဖာဂူဆန် စွန့်ခွာခဲ့တဲ့

မန်ယူလို ခေတ်ပျက်သွားမလား စိုးရိမ်ခဲ့ကြတယ်။ ဒါပေမဲ့ မာရက်စ်ကာက ဂွာဒီယိုလာခေတ်လွန်မန်စီးတီးကို မပျက်စီးအောင်

လက်ဆင့်ကမ်းထိန်းသိမ်းခဲ့တယ်။ ပရီးမီးယားလိဂ်ချန်ပီယံပြေးလမ်းမှာ အာဆင်နယ်ကို အလဲထိုးမယ့်ဟန်ပြင်နေပြီ။

မာရက်စ်ကာရဲ့မန်စီးတီးက ပရီးမီးယားလိဂ် ၅ ပွဲဆက်၊ ပြိုင်ပွဲစုံ ၇ ပွဲဆက် နိုင်ပြီးချန်ပီယံအသွေးအသား ပြသနေတယ်။

မာရက်စ်ကာက မန်စီးတီးနည်းပြဖြစ်လာပြီးနောက် " ဖာဂူဆန်မရှိတဲ့မန်ယူလို" မဖြစ်စေရဘူးလို့ ကတိပေးထားပြီး

အခုတော့ အဲဒီကတိအတိုင်း ဖန်ဆင်းပြနေတာပါ။

3. B နှစ်ခုရဲ့အလင်း

ဘရိုက်တန်နဲ့ ဘရန့်ဖို့ဒ်၊ B စာလုံးနဲ့စတဲ့အသင်းနှစ်သင်းရဲ့အလင်းကလက်ရှိရာသီမှာလည်းလင်းပနေဆဲပါ။

နည်းပြဟာဇယ်လာရဲ့ဘရိုက်တန်အသင်းက အာဆင်နယ်နဲ့ရမှတ် ၂ မှတ်အကွာအမှတ်ပေးဇယား အဆင့် ၃ နေရာရပ်တည်နိုင်တဲ့အထိ ထည်ဝါနေတယ်။

ပရီးမီးယားလိဂ်လက်ရှိချန်ပီယံတွေကို ၃ ရာသီဆက် အနိုင်ယူတဲ့စံချိန်ကို ပိုင်ဆိုင်ခဲ့တယ်။

ပြီးခဲ့တဲ့ရာသီမှာ ဘရိုက်တန်က မန်စီးတီးရဲ့ချန်ပီယံအိပ်မက်ကို ဝေဝေဝါးဝါးဖြစ်အောင်

ဒုက္ခပေးခဲ့သလိုမျိုး အခုလည်းအာဆင်နယ်ကို အမှောင်ထဲရောက်စေခဲ့တယ်။

ဘရိုက်တန်ကြယ်ပွင့်  ပါစကယ်ဂရို့စ်ကို BBC က ချန်ပီယံဆုမျှော်လင့်နေလားမေးတဲ့အခါ ရယ်ပြီး " No" လို့တုံ့ပြန်ခဲ့တယ်။

ဘရိုက်တန် လိုပဲ ဘရန့်ဖို့ဒ်အလင်းကလည်း တောက်ပနေတယ်။ တည်ကန်ဘောနည်းပြ အန်ဒရူးနဲ့အတူ

ဘရန့်ဖို့ဒ်ကပရီးမီးယားလိဂ်ရဲ့ဖျက်မြင်းအဖြစ် ရပ်တည်နေဆဲပါ။

လက်ရှိရာသီပရီးမီးယားလိဂ်မှာ ၅ ပွဲကစားပြီးချိန်အထိ ဘရန့်ဖို့ဒ်က ရှုံးပွဲမရှိဘဲ အဆင့် ၄ နေရာသိမ်းပိုက်ထားတယ်။

အန်ဒရူးစ်ကသူဟာ ဘရန့်ဖို့ဒ်အတွက်တစ်ရာသီသုံးအစမ်းကတ်မဟုတ်ဘူးဆိုတာ ပြသနေတယ်။

ချယ်လ်ဆီးကို ဂိုးပြတ်အနိုင်ယူပြီးနောက် ဘရန့်ဖို့ဒ်က ပိုပြီးသတိထားရမယ့် ဖျက်မြင်းဖြစ်လာတယ်။

4. တစ်ရာသီသုံးအစမ်းကတ် မိုက်ကယ်ကာရစ်

အိုးလ်ထရက်ဖို့ဒ်ရဲ့ဂုဏ်သိက္ခာအရောင်မှိန် ဇာတ်လမ်းက မပြီးဆုံးသေးဘူး။ မိုက်ကယ်ကာရစ်ဆီမှာ ဖိအားအငွေ့အသက်တွေဟာ

ပြင်းထန်ပူလောင်လွန်းလို့ ဘေးပတ်ဝန်းကျင်ပါ ကူးစက်ပူလောင်နေတယ်။ အခြေအနေတွေက လွန်ခဲ့တဲ့ ၇ နှစ်ကလိုပါပဲ။

ယာယီနည်းပြဘဝမှာ ဂုဏ်ထူးမှတ်ထွက်ခဲ့တဲ့ ဆိုးလ်ရှားကို မန်ယူက ယုံကြည်ခဲ့တယ်။

ဆိုးလ်ရှားရဲ့မန်ယူအမြဲတမ်းနည်းပြဘဝ အစောပိုင်းနေ့ရက်တွေဟာ လက်ရှိနည်းပြမိုက်ကယ်ကာရစ်အတိုင်းပဲ အိမ်နိမ့်စံ ဖြစ်ခဲ့ပါတယ်။

ပရီးမီးယားလိဂ် ၅ ပွဲပြီးဆုံးချိန်မှာ နိုင်ပွဲတစ်ပွဲသာရပြီး ချန်ပီယံဆုနဲ့ " ကိုယ်တို့ဝေးနေ မိုင်ပေါင်းကုဋေ" ဖြစ်ခဲ့ရပြန်ပြီ။

သမိုင်းတစ်လျှောက်  အဆိုးရွားဆုံးရာသီအစကို ရင်ဆိုင်နေရပြန်ပြီ။

မန်ယူက ချီး-ထုပ်အသင်းဖြစ်နေပါတယ်။

5. တန်းတက်အသင်းတွေ မညံ့ဘူး။

၂၀၂၄ နဲ့ ၂၀၂၅ ခုနှစ်တွေမှာ ပရီးမီးယားလိဂ်တန်းတက်အသင်းသုံးသင်းစလုံး တန်းပြန်ဆင်းခဲ့ရတယ်။ စံချိန်တင်အောင် ညံ့ခဲ့ကြတယ်။

ပြီးခဲ့တဲ့ရာသီမှာတော့ တန်းတက်အသင်းသုံးသင်းထဲက ဘန်လေတစ်သင်းသာ တန်းပြန်ဆင်းခဲ့ရတယ်။

ဆန်းဒါးလန်းက ဉရောပပြိုင်ပွဲ ဝင်ခွင့်ရပြီး လိဒ်စ်က အဆင့် ၁၄ နေရာပိုင်ဆိုင်ခဲ့တယ်။

လက်ရှိရာသီမှာ ဟားလ်စီးတီးက တန်းတက်အသင်းတွေထဲ ခြေစွမ်းအစွာဆုံးဖြစ်ပြီး အစ်ဝစ်ချ်ကလည်း အဆင့် ၁၁ နေရာရထားတယ်။

ကိုဗင်ထရီတစ်သင်းသာ တန်းဆင်းဇုန်ထဲရောက်နေလို့ တန်းတက်အသင်းတွေမညံ့တဲ့ရာသီဖြစ်လာနိုင်ပါတယ်။