စီရော်နယ်လ်ဒိုမရှိလည်း ဖြစ်တယ်

စီရော်နယ်လ်ဒိုမရှိလည်း ဖြစ်တယ်

ပေါ် တူဂီက စီရော်နယ်လ်ဒိုကို အရန်ခုံပို့ပြီး နော်ဝေကို အဝေးကွင်းမှာအနိုင်ယူပြလိုက်တယ်။

နေးရှင်းလိဂ်မှာ တစ်ပွဲစီအနိုင်ရထားတဲ့ နော်ဝေနဲ့ ပေါ် တူဂီတို့ရဲ့စီးချင်းထိုးပွဲက အကြိတ်အနယ် ရှိခဲ့ပါတယ်။

နော်ဝေက ဟာလန်း၊ နူဆာ၊ အော်ဒီဂွာစတဲ့တိုက်စစ်အစုအဖွဲ့နဲ့ပွဲထွက်လာတယ်။

ပေါ် တူဂီအသင်းကတော့ ယော်အိုဖေးလစ်၊ ဂွန်ကာလိုရာမို့စ်၊ နေဗတ်စ်၊ နေတို၊ ကွန်ဆီကာအိုစတဲ့

ကစားသမားတွေနဲ့ နော်ဝေခံစစ်ကို ဖိအားပေးခဲ့တယ်။

နော်ဝေအသင်းက ဂိုးပေါက်ကန်သွင်းမှု ၂၂ ကြိမ်၊ ပြိုင်ဖက် ဂိုးဧရိယာထဲဘောလုံးထိချက် ၃၅ ကြိမ်အထိ ရပေမယ့်

အဆုံးသတ်အားနည်းချက်တွေကြောင့် ကံဆိုးခဲ့ရပါတယ်။ နော်ဝေက ဟာလန်း ဂိုးမသွင်းရင်

ဂိုးသွင်းနိုင်မယ့်သူမရှိတဲ့ပြဿနာကို ဆက်လက်ရင်ဆိုင်ရပြီး အခုပွဲမှာလည်းဟာလန်းပဲ ဂိုးသွင်းပေးခဲ့ပါတယ်။

ဟာလန်းအတွက် နော်ဝေကစားသမားဘဝ ၆၅ ဂိုးမြောက် သွင်းဂိုးဖြစ်ခဲ့ပါတယ်။

ပေါ် တူဂီတိုက်စစ်မှာတော့ ယော်အိုဖေးလစ် ငယ်မူငယ်သွေးခြေစွမ်း ပြန်ပြနေတယ်။

ပြီးခဲ့တဲ့နေးရှင်းလိဂ်ပွဲမှာ တစ်ဂိုးသွင်းယူခဲ့သလို၊ အခုပွဲမှာလည်း ယော်အိုဖေးလစ်က တစ်ဂိုးသွင်းယူနိုင်ခဲ့တယ်။

သူ့ရဲ့ဂိုးဟာ ပေါ် တူဂီရဲ့နိုင်ပွဲအတွက်အရေးပါတဲ့ ဦးဆောင်ဂိုးဖြစ်ခဲ့ပါတယ်။

ပေါ် တူဂီအတွက် အနိုင်ဂိုးကိုတော့ ဟာလန်းချေပဂိုးသွင်းပြီး သုံးမိနစ်အကြာ၊ ၅၄ မိနစ်မှာ ဂွန်ကာလိုရာမို့စ်က

နော်ဝေဂိုးသမားအမှားကနေ အပိုင်သွင်း ယူပေးခဲ့ပါတယ်။

ပေါ် တူဂီအသင်းက စီရော်နယ်လ်ဒိုကို အရန်ခုံပို့ချောင်ထိုးထားချိန်မှာ ယော်အိုဖေးလစ်နဲ့ ဂွန်ကာလိုရာမို့စ်တို့ အစွမ်းပြခဲ့တာကျေနပ်စရာပါ။

ပေါ် တူဂီအတွက် စီရော်နယ်လ်ဒိုမရှိလည်းဖြစ်တယ် ဆိုတာ သက်သေပြတဲ့ပွဲပါ။

စီရော်နယ်လ်ဒိုကတော့ သူ့ရဲ့သွင်းဂိုး ၁၀၀၀ ရည်မှန်းချက်နဲ့ ၂၁ ဂိုး ကွာဝေးနေဆဲဖြစ်ပါတယ်။