မန်စီးတီးပရိသတ်တွေ ဘယ်လိုခံစားနေရမလဲ

မန်စီးတီးပရိသတ်တွေ ဘယ်လိုခံစားနေရမလဲ

မန်််််စီးတီးက ပြစ်မှု ၁၁၅ မှုနဲ့ အရေးယူခံမယ့်အချိန်မှာ မန်စီးတီးပရိသတ်တွေရင်ထဲ ဗေလာင်ဆူနေပါလိမ့်မယ်။

ပရီးမီးယားလိဂ်ရဲ့အင်အားကြီးဘဝကနေ တန်းဆင်းသွားနိုင်တဲ့အခြေအနေက မန်စီးတီးပရိသတ်တွေအတွက် တုန်လှုပ်စရာပါ။

လက်ရှိအချိန်မှာ မန်စီးတီးပရိသတ်တွေ ဘယ်လိုခံစားနေရမလဲ..?

မန်််််စီးတီးကို Division 2 မှာကတည်းက အားပေးလာတဲ့ပရိသတ်တစ်ဉီးက " ပေါလ်ဒစ်ကော့ဗ်က Division 2 မှာ ဂိုးသွင်းချိန်ကစလို့ အားပေးလာတာပါ။

အဲဒီအချိန်တွေမှာ အောင်ပွဲခံခဲ့ကြပြီး မမေ့နိုင်တဲ့အရာတွေလုပ်ပြနိုင်ခဲ့တယ်။ ကျွန်တော်တို့အသင်း ဖလားတွေသိမ်းခံရလည်း၊

အမှတ်တွေလျှော့ခံရလည်း၊ ပရီးမီးယားလိဂ်ကနေ ဖယ်ရှားခံရလည်း အဆုံးစွန်အထိ တိုက်ပွဲဝင်ပြီး ပြန်လာခဲ့ပါမယ်။

Grimsby အသင်းဘက်ကို ဟာလန်းဟက်ထရစ်သွင်းမယ့်အချိန်ကို ကျွန်တော်ကြည့်ချင်လှပြီ" လို့ ပြောတယ်။

တစ်ရာသီစာလက်မှတ်ကိုင်ဆောင်ထားတဲ့ မန်စီးတီးပရိသတ် ဂျွန်က " ၂၀၂၃ ချန်ပီယံလိဂ်ဖိုင်နယ်ကို ကွင်းထဲထိသွားပြီး ကြည့်ခဲ့ပါတယ်။

အဲဒီနေ့က အဖြစ်အပျက်တွေ၊ ခံစားချက်တွေဟာကျွန်တော်တို့နှလုံးသားထဲကနေ ဘယ်တော့မှ ပျောက်ဆုံးမသွားပါဘူး။

ကျွန်တော့်တို့အသက်ရှင်နေသရွေ့အတူရှိနေမယ့်အရာတွေပါ" လို့ လွမ်းလွမ်းဆွေးဆွေး ပြောခဲ့ပါတယ်။

မန်စီးတီးအမာခံပရိသတ် ဒေးဗစ်ဝီလ်ဆင်ကလည်း " မန်စီးတီးနဲ့ပတ်သက်သမျှ အမှတ်တရတွေ၊ ဆုဖလားအောင်ပွဲတွေကို ကျွန်တော်တို့ပရိသတ်ဆီကနေ

ဆွဲယူသွားလို့မရပါဘူး။ လာမယ့်ရက်တွေ လတွေ၊ နှစ်တွေအတွင်းမှာ ဘာဖြစ်ဖြစ် အဲဒီအရာတွေကမန်စီးတီးပရိသတ်တွေရဲ့နှလုံးသားထဲရှင်သန်နေမှာပါ။

စစ်မှန်တဲ့မန်စီးတီးပရိသတ်တွေအတွက် ဘယ်သူတွေဘာပြောပြော မန်စီးတီးကိုချစ်တဲ့စိတ် တစက်လေးမှလျော့မသွားပါဘူး" လို့ ပြောပါတယ်။