အာတီတာရဲ့" အာဆင်နယ်ခေတ်ရောက်ရမည်မှာ မလွဲပါ"

အာတီတာရဲ့" အာဆင်နယ်ခေတ်ရောက်ရမည်မှာ မလွဲပါ"

အာတီတာနဲ့ အာဆင်နယ်ပေါင်းစပ်မှုက ခေတ်သစ်တစ်ခု ဖြစ်စေခဲ့တယ်။

အာဆင်နယ်အတွက် ခေတ်သစ်ဖြစ်ရုံသာမကဘဲ ပရီးမီးယားလိဂ်ပါရာဒိုင်းအပြောင်းအလဲပါ ဖြစ်စေခဲ့တယ်။

အာတီတာရဲ့အာဆင်နယ်တန်ခိုးကြီးထွားလာချိန်မှာ ဂန္ထဝင်နည်းပြတွေဖြစ်တဲ့ ယာဂန်ကလော့ပ်နဲ့ ဂွာဒီယိုလာတို့ ပရီးမီးယားလိဂ်ကနေ ထွက်ပြေးခဲ့ရတယ်။

တစ်ချိန်တုန်းက ဂွာဒီယိုလာ၊ မော်ရင်ဟိုတို့ကို မယှဉ်နိုင်လို့ ဖာဂူဆန် အနားယူခဲ့သလိုမျိုးပေါ့။

အာတီတာကြောင့် ပရီးမီးယားလိဂ်ကို လက်ဝါးကြီးအုပ်နိုင်မယ့် စွမ်းအင်မျိုးအာဆင်နယ် ပိုင်ဆိုင်လာတယ်။

ချန်ပီယံလိဂ်မှာ လူရိုသေရှင်ရိုသေ အသင်းဖြစ်လာပြီး ချန်ပီယံဆုအတွက် ရေပန်းစားလာတယ်။

အာဆင်နယ်ခေတ်ရုပ်လုံးထွက်လာအောင် အာတီတာက ဖန်ဆင်းပေးတယ်။

နောက်ထပ်ဘဝတစ်ခုလုံးထပ်ပေးဆပ်ဖို့အသင့်ရှိနေတယ်။ အာဆင်နယ်နဲ့ စာချုပ်သက်တမ်းတိုးပြီး

အာတီတာက နယ်မြေသစ်များစွာသိမ်းပိုက်ဖို့ရာ ပြင်ဆင်နေတယ်။

၂၀၁၉ ခုနှစ်၊ ဒီဇင်ဘာမှာ အာဆင်နယ်နည်းပြဖြစ်လာသူ အာတီတာက တစ်နှစ်ပေါင် ၁၀ သန်း၊ အပိုဆုကြေး

ပေါင် ၅ သန်းနဲ့ စာချုပ်သစ်ချုပ်ဆိုခဲ့ပါတယ်။ သူက အာဆင်နယ်အသင်းမှာ ၁၀ နှစ်ပြည့်တဲ့အထိ ပေးဆပ်သွားဖွယ်ရှိပါတယ်။

အာဆင်နယ်ပရိသတ်တွေက အာတီတာကို ရီးယဲလ်၊ ဘာစီလိုနာတို့လို့အသင်းတွေက လုယူသွားမှာစိုးထိတ်ခဲ့ကြတယ်။

အာတီတာက သူ့နှလုံးသားဟာ အာဆင်နယ်အတွက်ပဲရှင်သန်နေတယ်ဆိုပြီး ကတိပေးရင်းပရိသတ်တွေရဲ့စိုးထိတ်စိတ်ကို လျှော့ကျစေခဲ့တယ်။

အာတီတာက Dynasty တစ်ခုကို တည်ထောင်ချင်နေတယ်။ ပရီးမီးယားလိဂ်ချန်ပီယံဆုကို ဆက်လက်ထိန်းသိမ်းမယ်။

ချန်ပီယံလိဂ်ဖလားကို သိမ်းပိုက်မယ်။ ပရီးမီးယားလိဂ်ရဲ့အကောင်းဆုံးဖြစ်ချင်တယ်၊ ဉရောပရဲ့အကောင်းဆုံး ဖြစ်ချင်တယ်။

အဲဒီ ရည်မှန်းချက်တွေအကောင်အထည် ဖော်နိုင်အောင် အာတီတာက အာဆင်နယ်နဲ့စာချုပ်သက်တမ်းတိုးလိုက်ပါတယ်။

အာတီတာရဲ့ကြွေးကြော်သံက " အာဆင်နယ်ခေတ် ရောက်ရမည်မှာ မလွဲပါ" ဆိုတာဖြစ်တယ်။